Avstriya milli komandasının futbolçusu Marsel Sabitser Avro-2024-ün seçmə mərhələsinin Azərbaycanla keçirləcək matçından əvvəl mətbuat konfransında iştirak edib.
İqtisadiyyat.az xəbər verir ki, "Mançester Yunayted"in yarımmüdafiəçisi əsas məqsədlərinin qələbə qazanmaq olduğunu deyib:
"İlk oyunda qələbə qazanmaq əsas məqsəddir. Rəqiblərimizi yaxşı analiz etmişik. Onların güclü tərəflərini, eyni zamanda zəif tərəflərini də bilirik. Biz mütləq Avro-2024-də olmaq istəyirik. Bunun üçün hər şeyi edəcəyik".
Qeyd edək ki, Avstriya - Azərbaycan qarşılaşması sabah Bakı vaxtilə saat 23:45-də baş tutacaq.
