Çimərlik futbolu üzrə Azərbaycan milli komandası dünya çempionatının seçmə mərhələsində bu gün növbəti oyununu keçirib.
İqtisadiyyat.az xəbər verir ki, millimiz “Su İdman Sarayı”nın ərazisindəki çimərlik futbolu meydançasında 13-16-cı yerlər uğrunda oyunda Litva yığması ilə qarşılaşıb. Azərbaycan yığması bu oyunda 3:2 hesablı qələbə qazanıb.
Komandamızın qollarını Orxan Məmmədov, Ramil Əliyev və Elşad Manafov vurublar.
Millimiz bu gün saat 11:00-da 13-14-cü yerlər uğrunda oyunda İsveçrə yığması ilə qarşılaşacaq.