Son sutkada Ukraynada koronavirusa yoluxanların sayı kəskin artıb.
Bu barədə Səhiyyə Nazirliyi məlumat yayıb.
Bildirilib ki, son 24 saatda ölkdə 18 479 yeni yoluxma faktı qeydə alınıb. Yanvarın 19-da bu say 12 815 olub.
Son sutkada Ukraynada virusdan 131 nəfər ölüb. 4446 nəfər isə sağalaraq evə buraxılıb.
İndiyədək ölkədə ümumilikdə 3 799 382 nəfər koronavirusa yoluxub. Onlardan 3 571 782 nəfəri sağalıb, 98 843 nəfər isə ölüb.
