Qəzza zolağının gələcəyi ilə bağlı danışıqlar aprelin 29-da Ər-Riyadda Böyük Britaniya, ABŞ və ərəb ölkələrinin yüksək səviyyəli rəsmilərinin iştirakı ilə keçiriləcək. 

İqtisadiyyat.az xəbər verir ki, bu barədə "Bloomberg" mənbələrinə istinadən məlumat yayıb.

Nəşr qeyd edir ki, İsrail danışıqlarda təmsil olunmayacaq.

Məlumata görə, Səudiyyə Ərəbistanının paytaxtında keçiriləcək görüşdə ABŞ dövlət katibi Antoni Blinken, Böyük Britaniyanın xarici işlər naziri Devid Kemeron və Avropa İttifaqı, Misir, İordaniya, Qətər və Fələstin rəsmilərinin iştirakı gözlənilir. İsrail və HƏMAS qruplaşmasının nümayəndələri çox güman ki, məsləhətləşmələrdə iştirak etməyəcəklər.

Agentliyin həmsöhbətləri qarşıdan gələn tədbiri "böhran görüşü" və "ilkin danışıqlar" kimi qiymətləndiriblər.