"Artıq rekord sayda 550 nəfərdən çox vəkilliyə namizəd yazılı imtahanda iştirak üçün müraciət edib".

İqtisadiyyat.az xəbər verir ki, bunu Vəkillər Kollegiyasının sədri Anar Bağırov sosial şəbəkə hesabında yazıb.

Onun sözlərinə görə, imtahanlarda maksimum isə 700 nəfər iştirak edə biləcək, yəni bu qədər yer mövcuddur.

Sədr buna görə vəkil olmaq istəyənlərə qeydiyyata tələsmələri üçün çağırış edib.

"İmtahan tapşırığının əvvəlkindən nisbətən asan olacağına çalışırıq. İmtahan günü bəlli olmadan yüzlərlə hüquqşünasın sənəd verməsi birmənalı olaraq peşəmizin hüquqşünaslar arasında hansı səviyyədə cəlbedici və prestijli olduğunu göstərir. Son illər görülən ardəcıl tədbirlər sayəsində vəkillik bu gün ən dəbdə olan hüquq peşəsinə çevrilib və bu Azərbaycan Respublikasının Vəkillər Kollegiyasının (ARVK) qazandığı ən böyük uğur və ödüldür. Namizədlərə uğurlar arzulayıram!", - A.Bağırov əlavə edib.

Qeyd edək ki, Kollegiya ilə Dövlət İmtahan Mərkəzi (DİM) arasında əldə olunan razılığa əsasən, mayın 26-da saat 10:00-da ARVK və Naxçıvan Muxtar Respublikasının Vəkillər Kollegiyası üzvlüyünə qəbulla bağlı növbəti ixtisas imtahanının test mərhələsinin keçirilməsi nəzərdə tutulub.