"Qazaxıstan hakimiyyəti daşqınların nəticələrini aradan qaldırmaq üçün pulu yönləndirmək məqsədilə büdcə xərclərini azaldacaq".
İqtisadiyyat.az xəbər verir ki, bu barədə Qazaxıstan Prezidenti Kasım-Jomart Tokayev Qazaxıstan Xalqları Assambleyasının sessiyasında deyib.
Dövlət başçısı qeyd edib ki, prioritet vəzifə təbii fəlakət nəticəsində dağılmış evlərin bərpası, zərərçəkmiş vətəndaşların normal həyata qaytarılmasıdır:
“Bütün zərərçəkənlərə dəyən ziyanı dövlət ödəyəcək, heç kim dəstəksiz qalmayacaq ”.
Tokayev xatırladıb ki, bununla əlaqədar o, ölkədə əvvəllər planlaşdırılan beynəlxalq tədbirlərin azaldılması barədə göstəriş verib.
Gözəl Həşimova
