Bu ilin əvvəlindən bəri Qərb ölkələri və Beynəlxalq Valyuta Fondu (BVF) Ukraynaya dövlət büdcəsini maliyyələşdirmək üçün 12 milyard dollar vəsait ayırıb.

İqtisadiyyat.az xəbər verir ki, bu barədə Ukrayna Maliyyə Nazirliyi məlumat açıqlayıb.

Məlumata görə, Kiyevə xarici dəstəyin böyük əksəriyyəti kreditlərdir.

"Ukraynanın 2024-cü il dövlət büdcəsinin maliyyələşdirilməsinin həcmi aprelin 25-nə 15,6 milyard dollar təşkil edib: xarici maliyyələşdirmə - 11,8 milyard dollar, dövlət istiqrazları (daxili dövlət borcları) - 3,8 milyard dollar. Qərbin 11,8 milyard dollarlıq yardımından yalnız 1 milyarda yaxını geri qaytarılmayan qrantlar hesabınadır.

Həmçinin, 2024-cü ildə Kiyevə ən böyük xarici donorlar Avropa İttifaqı, Yaponiya, Kanada, BVF və Böyük Britaniya olub. 2022-ci ilin fevralından bəri beynəlxalq tərəfdaşların büdcə dəstəyi 85,4 milyard dollar təşkil edib", -  məlumatda deyilir.

 

Gözəl Həşimova