Ukrayna hakimiyyət orqanları ATACMS taktiki ballistik raketlərinin necə və nə vaxt istifadə ediləcəyi ilə bağlı öz qərarlarını verəcək.
İqtisadiyyat.az xəbər verir ki, bu açıqlama ilə ABŞ-nin müdafiə naziri Lloyd Ostin çıxış edib.
O, mətbuat konfransında Kiyevin Rusiya ərazisinə ATACMS zərbələri endirəcəyi təqdirdə Ukrayna münaqişəsinin daha da genişlənməsi təhlükəsi ilə bağlı sualı cavablandırarkən deyib: "Raketlərdən necə və nə vaxt istifadə edəcəkləri onların öz işidir. Bizim ümidimiz ondan ibarətdir ki, Ukrayna Silahlı Qüvvələri bu və digər silahlar vasitəsilə kifayət qədər yaxşı təsirə nail olacaqlar".
