Qlobal düyü istehlakı son bir neçə ildə bir qədər artıb. 2022/2023-cü maliyyə ilində dünyada düyü istehlakı 437,18 milyon tondan 520,4 milyon tona yüksəlib.

İqtisadiyyat.az-ın araşdırmasına görə, 2021-ci ildə Çin təxminən 213 milyon ton düyü istehsal edərək dünya üzrə lider olub.

Hindistan 2022/2023-cü maliyyə ilində 47,8 milyon hektarla ən böyük düyü məhsulu sahəsinə sahib ölkə olub. Ən böyük düyü məhsulu sahəsinə malik olmaqla yanaşı, Hindistan bu maliyyə ilində ən böyük düyü ixracatçısı olub. Həmin dövrdə Hindistan 16,5 milyon ton düyü ixrac edib.

Araşdırmalara görə, 2023/2024-cü maliyyə ilində dünyada düyü istehlakı rekord səviyyəyə çatacaq. Belə ki, bu maliyyə ilində qlobal düyü istehlakının 522,1 milyon ton olacağı proqnoz edilir ki, bu da 2008/2009-cu maliyyə ilindən bəri ən yüksək səviyyədir.

Qeyd edək ki, düyü dünyada ən çox istehlak edilən taxıllardan biridir. Dünyanın ən sıx məskunlaşan ölkəsi olan Çin, 2023/2024-cü maliyyə ilində təxminən 150 milyon ton düyü istehlak edib. Bununla da Çin dünyada ən çox düyü istehlak edən ölkə olub. Çindən sonra Hindistan eyni dövrdə 118 milyon ton düyü istehlakı ilə ikinci yerdə qərarlaşıb.

Gözəl Həşimova