Qida sənayesində davamlı artım tendensiyası müşahidə olunur. Belə ki, ərzaq bazarının 2023-cü ildən 2031-ci ilə qədər texnoloji tərəqqi, artan istehlak tələbi və sənaye liderlərinin strateji sərmayələri hesabına əhəmiyyətli şəkildə artacağı gözlənilir.

İqtisadiyyat.az-ın araşdırmasına görə, yaxın perspektivdə qida bazarının olduqca yaxşı performans göstərəcəyi proqnozlaşdırılır. Belə ki, ərzaq bazarının gəlirinin bu il 9,12 trilyon dollar olacağı proqnozlaşdırılır. Ümumillikdə bu bazarın hər il 6,47% artacağı gözlənilir.

Bazarın ən böyük seqmentinin bu il 1,46 trilyon dollar ilə ət və ət məhsulları olacağı gözlənilir.

Qlobal müqayisədə ərzaq bazarında ən çox gəlir əldə edən ölkə Çindir. Ölkə ötən il ərzaq bazarından 1,4 trilyon dollar qazanıb. Hindistan isə ilk dəfə olaraq 814,29 milyard dollar ilə ikinci ən böyük ərzaq bazarı olub.

Araşdırmalara görə, ölkələrin ərzaq bazarından gəliri belə olub:

Qeyd edək ki, məhsulun səmərəliliyini və funksionallığını yaxşılaşdıran yeni texnologiyaların davamlı axını bu bazarın genişlənməsinə töhfə verən mühüm amildir.

Əlavə edək ki, BMT-nin Ərzaq və Kənd Təsərrüfatı Təşkilatının (FAO) ərzaq qiymətləri indeksi iyun ayında dəyişməyərək 120,6 bənd təşkil edib. Məlumata görə, bitki yağlarının, şəkərin və süd məhsullarının qiymətinin artması dənli bitkilərin qiymətindəki azalmanı kompensasiya edib.

İyun ayında taxıl qiyməti indeksi 3% azalıb. Hesabat dövründə şəkər qiymət indeksi 1,9%, süd məhsulları qiymət indeksi 1,2% artıb.

FAO-nun ət qiymətləri indeksi isə bu dövrdə dəyişməyib.

Gözəl Həşimova