Qaçqınların və Məcburi Köçkünlərin İşləri Üzrə Dövlət Komitəsinin məcburi köçkün ailələrinin müxtəlif ərazilərdən Cəbrayıl rayonuna köçürülməsi ilə bağlı elan etdiyi tender yekunlaşıb.
İqtisadiyyat.az xəbər verir ki, tender sərnişin və yük daşımaları ilə əlaqədardır.
Belə ki, daşımalar Bakı, Sumqayıt, Biləsuvar, Sabirabad, Şirvan, Hacıqabul, Saatlı, İsmayıllı, Şabran, Beyləqan, Mingəçevir, İmişli, Masallı, Gəncə, Göygöl, Salyan, Kürdəmir, Cəlilabad, Şəki, Zaqatala, Xaçmaz, Qazax, Şəmkir və Şamaxıdan həyata keçiriləcək.
Dövlət Komitəsi qeyd olunan ərazilərdən Cəbrayıl şəhəri, Şükürbəyli və Horovlu kəndlərinə sərnişin və yük daşıma xidmətini "Yük taksisi.az" şirkətinə həvalə edib.
"Qaçqınkom"la şirkət arasında 1 593 873,2 manat dəyərində müqavilə bağlanılıb.
Xatırladaq ki, Cəbrayıla ilk köç bu ilin ikinci yarımilinə nəzərdə tutulub.
