Novosibirsk vilayətində Rusiya Qvardiyasının rəhbərliyi ilə Kollektiv Təhlükəsizlik Müqaviləsi Təşkilatının (KTMT) "Kobalt-2024" xüsusi hərbi təliminin açılış mərasimi başlayıb.

İqtisadiyyat.az xəbər verir ki, bu barədə TASS məlumat yayıb. 

Agentliyiin məlumatına görə, hərbi təlimlər zamanı qüvvə və vasitə qruplarının yeni əməliyyat formaları və üsulları sınaqdan keçiriləcək, yeni silah və hərbi texnika nümunələri, həmçinin pilotsuz uçuş aparatlarından istifadənin taktiki fəndləri yoxlanılacaq.

Təlimlərdə Rusiya Federasiyası, Belarus, Qazaxıstan, Tacikistan və Qırğızıstanın maraqlı nazirlik və idarələrinin nümayəndələri iştirak edirlər. Bundan əvvəl Ermənistanın hərbi təlimlərdə iştirak etməyəcəyi bildirilib.