2023/24 maliyyə ilində dünyada ən çox buğda və un ixrac edən ölkələrin siyahısı açıqlanıb.

İqtisadiyyat.az-ın araşdırmasına görə, 2023/24 maliyyə ilində Rusiya dünya miqyasında buğda, un və un məhsullarının aparıcı ixracatçısı olub. Rusiya həmin il təxminən 51 milyon ton məhsul ixrac edib.

Siyahıda ikinci yerdə 36,5 milyon ton ixracla Avropa İttifaqı qərarlaşıb.

Ümumillikdə dünyada ən çox buğda və un ixrac edən ölkələrin siyahısı isə belədir:

Ölkə

İxrac həcmi

Rusiya

51 milyon ton

Avropa İttifaqı

36,5 milyon ton

Kanada

24 milyon ton

Avstraliya

22 milyon ton

ABŞ

20 milyon ton

Ukrayna

12,5 milyon ton

Qazaxıstan

10 milyon ton

Argentina

9,5 milyon ton

Türkiyə

8,5 milyon ton

Brazilya

2,5 milyon ton

 

Qeyd edək ki, buğda isti iqlimlərdə çox yetişmir. Buna görə də Misir və İndoneziya kimi ölkələrin buğda, un və digər buğda məhsullarının əsas idxalçıları arasında olması təəccüblü deyil. 2022/23-cü illərdə hər iki ölkə 11 milyon ton buğda idxal edib. Həmin il qlobal miqyasda 211 milyon tondan çox buğda idxal edilib. Dünyada ən çox buğda istehsal edən ölkə isə Çindir.

Əlavə edək ki, bu ilin birinci yarısında Azərbaycan 85,1 milyon dollar dəyərində 386 min ton buğda idxal edib. Bu göstəricilər ötən ilin eyni dövrü ilə müqayisədə həcm baxımından 21,7%, dəyər baxımından isə 41,4% azdır.

 

Gözəl Həşimova