Azərbaycan bu il mayın 20-25-də Cənubi Koreyanın paytaxtı Seula ixrac missiyasını təşkil edəcək.

İqtisadiyyat.Az-ın 'Report'-a istinadən məlumatına görə, artıq İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondu (AZPROMO) missiyada iştirak üçün sənəd qəbulu elan edib.

Qida məhsulları, spirtli içkilər, o cümlədən şərab istehsalı ilə məşğul olan sahibkarlar Fonda müraciət edə bilərlər.

İxrac missiyasında iştirak edəcək ixracatçılar müsabiqə əsasında seçiləcək. Müsabiqənin təşkilatçısı AZPROMO-dur.