“Facebook”, “Instagram” və “WhatsApp”ın sahibi olan “Meta”nın bu ilin birinci rübündə gəliri ötən ilin eyni dövrü ilə müqayisədə 27% artaraq 36,5 milyard dollara çatıb.

İqtisadiyyat.az xəbər verir ki, bu barədə "Meta" yanvar-mart dövrü üçün balans hesabatını açıqlayıb.

"Meta" 2023-cü ilin birinci rübündə isə 28,6 milyard dollar gəlir əldə edib.

Hesavat dövründə "Meta"nın xalis mənfəəti 117% artaraq 12,4 milyard dollara çatıb. Şirkət 2023-cü ilin birinci rübündə 5,7 milyard dollar mənfəət açıqlayıb. Şirkətin ötən ilin birinci rübündə 2,20 dollar olan səhm üzrə mənfəəti bu ilin eyni dövründə 4,71 dollara yüksəlib.

Mart ayının sonuna olan məlumata görə, "Meta"nın işçilərinin sayı keçən illə müqayisədə 10% azalaraq 69 min 329-a düşüb. Şirkət ilin ikinci rübündə 36,5 ilə 39 milyard dollar arasında gəlir gözləyir.

 

Gözəl Həşimova