Bir müddətdir fəaliyyətini dayandıran “Sumqayıt Tikiş” ASC-nin İdarə Heyətinə yeni sədr seçiləcək.

İqtisadiyyat.az xəbər verir ki, bu barədə ASC səhmdarlarının iyunun 8-də keçiriləcək illik ümumi yığıncağında qərar veriləcək.

Yığıncaqda ASC-nin idarəetmə orqanlarının ötən ilə aid maliyyə-təsərrüfat fəaliyyəti barədə hesabatı, idarə heyətinin sədrinin və digər idarəetmə orqanlarının seçilməsi kimi məsələlər müzakirə olunacaq.

Qeyd edək ki, ASC uzun müddətdir fəaliyyətini dondurub. 

Şirkət 2007-ci ildə dövlət qeydiyyatına alınıb. Qanuni təmsilçisi İmranov Mehman İdris oğludur. ASC-nin nizamnamə kapitalı 287 688 manatdır. Şirkətə sonuncu dəfə 2016-cı ildə reyestrdən çıxarış verilib.