Qlobal yaşıl enerjiyə keçid 2030-cu illərin ortalarına qədər hər il dörd trilyon dollar tələb edəcək.
İqtisadiyyat.az xəbər verir ki, bu qiymət “BlackRock” investisiya şirkətinin analitikləri tərəfindən açıqlanıb.
Şirkətin məlumatına görə, 2023-cü ildə keçid dövrü ilə bağlı layihələrə 1,8 trilyon dollar vəsait ayrılıb ki, bu da 2004-cü ildən 33 milyard dollar çoxdur. Bütün illər üzrə investisiyaların ümumi həcmi 19 trilyon dollar təşkil edir.
“İnvestisiyaların artım tempi və həcmi göstərir ki, biz düzgün istiqamətdə gedirik. Bununla belə, 2030-cu ilə qədər hədəflərimizə çatmaq üçün daha 18 trilyon dollar tələb olunacaq”, - deyə “BlackRock”un alternativ strategiya və kapital bazarlarının rəhbəri Maykl Dennis bildirib.
