ABŞ-ın Nyu-York şəhərinin demək olar ki, hər küçəsində siçovullar görünməyə başlayıb. Nyu-York bələdiyyə sədrinin həll təklifi gündəm olub.
İqtisadiyyat.az xəbər verir ki, heyvanlarla əllərindəki üsullarla kifayət qədər rəftar edə bilməyən Nyu York meri Erik Adamsın ofisindən diqqətçəkən bir iş elanı yayımlanıb. Dərc olunan elanda şəhərin “əsl düşməni” ilə mübarizə aparmaq üçün “gəmiricilərin azaldılması üzrə menecer” axtarıldığı açıqlanıb.
Bu həftə dərc edilən yumoristik iş elanında deyilir ki, “ideal namizəd yüksək motivasiyalı və bir qədər qaniçən biri olmalıdır”. Rol üçün seçilən şəxsə illik 120 min dollar ilə 170 min dollar arasında maaş veriləcəyi bildirilib.
Reklamda aşağıdakı terminlərdən istifadə olunub:
“Sıçanlar bu iş elanına nifrət edəcəklər. Amma 8,8 milyon əhalisi olan Nyu York siçovulların sayının azaldılması, sanitariya şəraitinin artırılması və vəbanın qarşısının alınması üçün sizinlə işləməyə hazırdır. İdeal namizəd hiyləgər və sözün əsl mənasında siçovullar üçün bir narahatlıq olardı.
Bu dözüm və bacarıq tələb edən 24/7 işdir. İşin məsuliyyətlərinə siçovulların azaldılması strategiyalarının işlənib hazırlanması, şəhər agentlikləri arasında layihələrin və siyasət təşəbbüslərinin idarə edilməsi və praktiki məhvetmə üsulları vasitəsilə rəhbərlik daxildir.
Digər tərəfdən, zərərvericilərə qarşı mübarizə şirkəti Orkin-in son illik reytinqinə görə, Nyu York ABŞ-ın "ən çirkin ikinci" şəhəridir. ABŞ-ın ən çirkin şəhəri adı İllinoys ştatında yerləşən Çikaqoya məxsusdur. Oktyabr ayına olan məlumata görə, Nyu-Yorkun sanitar departamenti 2022-ci ildə 21,600-dən çox siçovul şikayəti verib ki, bu da 2019-cu illə müqayisədə 67 faiz çoxdur.
