Keçmiş deputat Nazim Bəydəmirli barədə 4 aylıq həbs-qətimkan tədbiri seçilib.
İqtisadiyyat.az xəbər verir ki, N.Bəydəmirli polis tərəfindən vətəndaş şikayəti əsasında saxlanılıb.
DİN Mətbuat Xidmətinin bölmə rəisi Zeyni Hüseynov bildirib ki, vətəndaş polisə müraciət edərək N.Bəydəmirlinin onun barəsində rüsvayedici görüntülərin olduğunu qeyd edərək ondan 50 min manat tələb etdiyini bildirib. O, cari il iyunun 24-də N.Bəydəmirliyə 10 min manat versə də sonuncu qalan məbləği vermədiyinə görə şikyətçini ailəsi ilə şantaj edərək rüsvayedici görüntüləri yayacağını bildirib.
