NATO Kosovodakı Sülh Qüvvələrinə (KFOR) 130-dan çox əlavə əsgər göndərdiyini açıqlayıb.
İqtisadiyyat.az xəbər verir ki, bu barədə NATO yazılı açıqlama verib.
Məlumata görə, sentyabrın 24-də Kosovo polisinə hücumdan sonra bölgədə artan gərginlik səbəbindən Rumıniyadan göndərilən əlavə 130 əsgər Kosovoya çatıb.
Xatırladaq ki, NATO 1999-cu ildən bəri Birləşmiş Millətlər Təşkilatının (BMT) Təhlükəsizlik Şurasının 1244 saylı Qətnaməsinə uyğun olaraq Kosovoda sülhməramlı əməliyyata rəhbərlik edir.
Gözəl Həşimova