ABŞ Gürcüstanın keçmiş baş prokuroru Otar Partsxaladzeyə qarşı sanksiyalar tətbiq edib.
İqtisadiyyat.az xəbər verir ki, bu barədə "Associated Press" məlumat yayıb.
Nəşr sanksiyadan yazarkən Partsxaladzeni " gürcü-rus oliqarxı" adlandırıb.
Dövlət Departamentinin məlumatına görə, Rusiya FSB-si bu oliqarxla Gürcüstan cəmiyyətinə və siyasətinə Rusiyanın xeyrinə təsir etməsi üçün əməkdaşlıq edib.
ABŞ Maliyyə Nazirliyinin saytında qeyd edildiyi kimi, Gürcüstandan başqa Partsxaladzenin Rusiya vətəndaşlığı da var.
2013-cü ildə Otar Partsxaladze bir ay baş prokuror vəzifəsini tutub.
Partsxaladzenin adı müxtəlif korrupsiya işləri ilə bağlı jurnalist araşdırmalarında o qədər tez-tez hallanırdı ki, o, hətta müəyyən dərəcədə məşhurlaşmışdı.