Kanadanın Kalqari şəhərinin qərbində dağlıq ərazidə yerləşən Kananaskisdə 6 nəfərin olduğu tək mühərrikli Piper PA-32 qəzaya uğrayıb.

İqtisadiyyat.az xəbər verir ki, bu barədə Kanada Kral Atlı Polisi (RCMP) açıqlama yayıb.

Açıqlamada təyyarədə pilot da daxil olmaqla 6 nəfərin öldüyü bildirilib.

Məlumata görə, əvvəlcə təyyarədən siqnal kəsilib və itkin düşüb. Axtarış işləri nəticəsində təyyarənin qalıqları tapılıb.

Kanada Nəqliyyat Təhlükəsizliyi Şurasının qəza ilə bağlı araşdırma apardığı açıqlanıb.