İzmirin Karaburun və Dikili rayonları sahillərində yunan ünsürləri tərəfindən Türkiyə ərazi sularına istiqamətləndirilən qayıqlarda olan 42 qeyri-qanuni miqrant təhlükəsiz şəkildə sahilə çıxarılıb.
İqtisadiyyat.az xəbər verir ki, Türkiyə Sahil Mühafizə Komandanlığının internet saytında yer alan açıqlamaya görə, Karaburun və Dikili rayonları sahillərində rezin qayıqlarda qeyri-qanuni miqrantların olması xəbərini alan Sahil Mühafizəsinin qayıqları bölgəyə göndərilib.
Ekipajlar Türkiyə ərazi sularına yönləndirilən qayıqlarda olan 42 qeyri-qanuni miqrantı xilas edib.
Qeyri-qanuni miqrantlar əməliyyatlarının ardından İl Miqrasiya İdarəsi Müdirliyinə göndərilib.