Fransada bir yeniyetmənin polis tərəfindən güllələnməsi ilə başlayan hadisələr davam edərkən, üsyanın iqtisadi zərər dəyəri artmağa davam edir.
İqtisadiyyat.az xəbər verir ki, Fransanın maliyyə naziri Bruno Le Maire 10-a yaxın ticarət mərkəzinə, 200-dən çox supermarketə, 250 tütün mağazasına və 250 banka hücum edildiyini və ya talan edildiyini bildirib.
Aix Marseille Provence Ticarət Palatasının sədri Jean-Luc Chauvin, "Hər yerdə bizneslər, xüsusən də qiymətli əşyaları olanlar hədəfdədir", -deyə xəbərdar edib.
Sığorta brokerlərinin apardıqları ilk hesablamaya görə, hadisələr zamanı dəyən zərərin 100 milyon avrodan çox olduğu və bu rəqəmin artacağı bildirilir.
