Azərbaycan Premyer Liqasının 2022/2023 mövsümünün 30-cu turu geridə qaldı.
İqtisadiyyat.az 30 tur ərzində ən çox penaltidən fərqlənən futbolçuların siyahısını təqdim edir:
1) Ramil Şeydayev (Qarabağ)
Premyer Liqada 17 qolla bombardirlik cədvəlinin 2-ci pilləsini tutan futbolçu bu qollardan 9-unu penaltidən vurub.
2) Emin Mahmudov (Neftçi)
Emin Mahnudov 30 tur ərzində 15 qol vurmağı bacarıb. Bu qollardan 7-sini penaltidən vurub. Hal-hazırda bombardirlik cədvəlinin 4-cü pilləsində qərarlaşıb.
3) İsnik Alimi (Qəbələ)
"Qəbələ" klubunun albaniyalı yarımmüdafiəçisi geridə qalan 30 turda 6 dəfə penaltidən fərqlənib. Ümumi olaraq 8 qol vuran İsnik Alimi məhsuldarlar cədvəlində 8-ci pillədə yerini tutub
4) Runi Eva (Turan Tovuz)
"Turan Tovuz" klubunun kamerunlu futbolçusu Runi Eva vurduğu 12 qoldan 4-ünü penaltidən vurub.
5) Amil Yunanov (Şamaxı)
"Şamaxı" klubunun hücumçusu vurduğu 6 qoldan 3-ünü penaltidən vurub.
6) Hamidu Keyta (Zirə) , Riçard Almeyda (Qarabağ) və Emanuel Apeh (Sabah)
"Zirə", "Qarabağ" və "Sabah"ın futbolçuları geridə qalan 30 tur ərzində 2 dəfə penatidən fərqlənə biliblər.
7) Ağabala Ramazanov (Səbail), Ahmed Ayzaya (Kəpəz), Kenni Sayef (Neftçi), Aleksey İsayev (Sabah), Elvin Camalov (Sabah), Juninyo (Kəpəz), Dieqo Santos (Sumqayıt), Terrens Tisdell (Sumqayıt) hərəyə 1 dəfə penaltidən fərqlənməyi bacarıblar.
