Avropa İttifaqı (Aİ) yeni tip koronavirus epidemiyasının ikinci dalğasının başlanması ehtimalına qarşı bütün üzv ölkələrin hazırlıq səviyyəsini artırmasının lazım olduğunu açıqlayıb.
Bu barədə “HaberGlobal” məlumat yayıb.
Avropa Komissiyasının sözçüsü Stefan de Kirsmakerin sözlərinə görə, koronavirusla mübarizə çərçivəsində üzv ölkələr arasında koordinasiya fəaliyyətləri davam edir.
Hazırlıq tədbirlərinin mütəmadi şəkildə nəzərdən keçirildiyini bildirən təşkilat rəsmisi vətəndaşların mümkün ikinci COVID-19 dalğası barədə məlumatlandırılmasının önəmli olduğuna diqqət çəkib.
