İlon Maskın X şirkəti işçilərinə Kaliforniyanın San-Fransisko şəhərindəki qərargahının 13 sentyabrdan bağlı olacağını elan edib.

İqtisadiyyat.az xəbər verir ki, bu barədə “Fortune” jurnalı şirkətdəki mənbəyə istinadən məlumat yayıb.

Məlumata görə, bir gün əvvəl X işçilərə San-Fransiskodakı qərargahın bağlanma tarixini göstərən qısa bildiriş göndərib. Jurnal yazır ki, ofis işçiləri şirkətin San Xose və Palo Altodakı filiallarına köçürüləcək.

X-in yeni qərargahının harada yerləşəcəyi hələlik məlum deyil.

Qeyd olunur ki, şirkətin bu qərarı San-Fransisko ofisinin bəzi işçilərinin “Twitter”in adını X olaraq dəyişdirdikdən sonra işdən çıxarılması və qişçilərin çoxunun koronavirus pandemiyasından bəri onlayn işləməyə davam etməsi ilə əlaqədar ola bilər.

Qeyd edək ki, iyulda Mask öz X hesabında yazmışdı ki, “SpaceX” Kaliforniyada LGBT qanununun qəbul edilməsi səbəbindən baş ofisini San-Fransiskodan Texasa köçürəcək.

 

Sadiq Cavadov