"Ödənişləri" Telegram"da həyata keçirilən "Toncoin" kriptovalyutası messencerin həmtəsisçisi Pavel Durovun Fransada həbsindən sonra 19%-dən çox ucuzlaşıb".
İqtisadiyyat.az xəbər verir ki, bu barədə "Binance" kriptovalyuta şirkətindən məlumat verilib.
Avqustun 24-də Durovun həbsindən əvvəl TON məzənnəsi 6,797 dollar olub. Avqustun 26-da Bakı vaxtı ilə saat 16:04-ə olan məlumata görə, kriptovalyuta 5,47 dollar olub. Beləliklə, Durovun həbsindən bəri kriptovalyuta 19,52% azalıb.
Açıq Şəbəkə (TON) ilk olaraq 2018-ci ildə "Telegram" messencerinin qurucuları olan Durov qardaşları tərəfindən hazırlanmış üçüncü nəsil "Proof-of-Stake" blokçeynidir. Daha sonra o, layihəni dəstəkləyən və inkişaf etdirən TON açıq icmasına verilib.