Pakistanın bəzi əyalətlərində leysan yağışları və daşqınlar nəticəsində son 24 saat ərzində ən azı 20 nəfər həyatını itirib.
İqtisadiyyat.az xəbər verir ki, bu barədə Pakistan Milli Fəlakət İdarəsi (NDMA) məlumat yayıb.
Bildirilib ki, musson yağışları 5 əyalətdə təsirli olub.
Daşqınlar nəticəsində son 24 saatda ən azı 20 nəfərin öldüyü, 47 nəfərin yaralandığı qeyd edilib.
Bildirilib ki, iyulun 1-dən bu yana daşqınlar nəticəsində 145-i uşaq olmaqla azı 285 nəfər ölüb, 195-i uşaq olmaqla 529 nəfər xəsarət alıb.
Gözəl Həşimova