Amerika texnologiya korporasiyası “Apple” 98 ölkədən olan istifadəçilərinə kiberhücum riskinin yüksək olduğu barədə bildirişlər göndərib.
İqtisadiyyat.az bu barədə xarici KİV-lərə istinadən xəbər verir.
“Apple” “Apple ID”nizlə əlaqəli “iPhone”u uzaqdan sındırmağa çalışan casus proqramlarından istifadə edərək hücuma məruz qaldığınızı aşkar etdi. Xahiş olunur, xəbərdarlığı ciddi qəbul edin", - şirkətin məlumatında deyilir.
Xatırladaq ki, “Apple” 2021-ci ildən etibarən istifadəçilərinə xəbərdarlıq bildirişləri göndərir. Şirkət sonuncu dəfə aprel ayında 92 ölkədən olan istifadəçilərinə analoji xəbərdarlıq edib. Ümumilikdə, son üç il ərzində 150 ölkədən “iPhone” və digər cihazların sahibləri oxşar xəbərdarlıq mesajları alıblar.
Sadiq Cavadov