Süni intellektlə işləyən cihazlara tələbin təsiri ilə dünyada kompüter satışları bu ilin ikinci rübündə illik müqayisədə 3 faiz artıb.

İqtisadiyyat.az xəbər verir ki, bu barədə “International Data Corporation” bazar araşdırması şirkətinin hesabatında deyilir.

Hesabat dövründə kompüter satışları ötən ilin eyni dövrü ilə müqayisədə 3 faiz artaraq 64,9 milyon ədədə çatıb. Sözügedən satışlar 2 illik azalmadan sonra süni intellektin təsiri ilə ardıcıl ikinci rüb artır.

İkinci rübdə ən böyük artım illik 20,8 faizlə "Apple"ın kompüter satışlarında olub. "Apple"ı 13,7 faizlə "Acer" izləyir.

"Lenovo Group" və "HP Inc"in satışları müvafiq olaraq 3,7 faiz və 1,8 faiz artıb. "Dell Technologies"in satışlarında isə 2,4 faiz azalma müşahidə olunub.

 

Gözəl Həşimova