Mənzil İnşaatı Dövlət Agentliyinin (MİDA) Binəqədi rayonunda inşa olunan yaşayış kompleksi üzrə tikinti işləri sürətlə davam etdirilir.
İqtisadiyyat.az xəbər verir ki, yaşayış kompleksində sahəxarici və sahədaxili su-kanalizasiya şəbəkəsinin və drenaj sisteminin tikintisi işlərinə başlanılır.
MİDA sözügedən işlərin 5,6 milyon manata başa gələcəyini ehtimal edir.
Qeyd edək ki, Binəqədi Yaşayış Kompleksi Binəqədi qəsəbəsi, Mədən 1, korpus 5 ünvanında yerləşir. 9 ha torpaq sahəsində inşa olunan yaşayış kompleksi 28 binadan ibarətdir. Ümumilikdə 1398 sosial mənzil satışa çıxarılacaq.
