Rusiya Müdafiə Nazirliyi, Rusiya və Çinin dekabrın 21-27-də Şərqi Çin dənizində raket və artilleriya atışlarının aparılacağı Dəniz Qarşılıqlı Fəaliyyət 2022 təlimi keçirəcəyini açıqlayıb.

İqtisadiyyat.az xəbər verir ki, Rusiya Müdafiə Nazirliyindən verilən açıqlamaya görə, Rusiya və Çin Şərqi Çin dənizində raket və artilleriya atışlarının aparılacağı dəniz təlimi, 21-27-də isə “Dəniz Qarşılığı 2022” adlı təlim keçirəcək.

Açıqlamaya görə, təlimlərdə iştirak etmək üçün Rusiyanın şərqindəki Vladivostokdan yola düşən Rusiya Sakit Okean Donanmasının döyüş gəmiləri qrupu, təlimlərə “Varyaq” kreyseri, “Marşal Şapoşnikov” freqatı, “Aldar Tsidenjapov” və “Soversenniy” korvetləri qatılacaq. Çin tərəfdən isə təlimlərdə iki esmines və iki patrul gəmisi, hərtərəfli təchizat gəmisi və bir dizel sualtı qayığı fəal iştirak edəcək.

Təlimin aktiv mərhələsində praktiki silahların tətbiqi ilə sualtı qayıqlara qarşı birgə hərəkətlərin də planlaşdırıldığı vurğulanaraq, manevrlərin əsas məqsədinin Rusiya və Çin arasında dəniz əməkdaşlığını gücləndirmək olduğu vurğulanıb

Şanxay Əməkdaşlıq Təşkilatı (ŞƏT) ölkələrinin silahlı qüvvələrinin iştirak edəcəyi birgə təlimin 2023-cü ilin avqustunda Rusiyanın Çelyabinsk vilayətində keçirilməsi planlaşdırılır. “Sülh missiyası” adlanan təlimdə Rusiya və Çindən başqa Hindistan, İran, Qazaxıstan, Qırğızıstan, Pakistan, Tacikistan və Özbəkistan da iştirak edəcək.