Fransanın paytaxtı Parisdə 69 yaşlı Fransa vətəndaşının tapança ilə atəş açması nəticəsində azı 3 nəfər ölüb, 4 nəfər yaralanıb.
İqtisadiyyat.az xəbər verir ki, Fransanın paytaxtı Parisin 10-cu rayonundakı Enghien küçəsində Fransa vətəndaşı ətrafdakı insanlara atəş açıb.
İlkin məlumata görə, hücum nəticəsində 3 nəfər ölüb, 4 nəfər yaralanıb.
Paris polisindən verilən açıqlamada 69 yaşlı şəxsin hücumun baş verdiyi yerdə saxlanıldığı bildirilib.
Açıqlamada xilasetmə qruplarının müdaxiləsi və təhlükəsizlik səbəbiylə bölgənin boşaldılması tələb edilib.