Rusiya raketlərinin Kiyevdə enerji infrastrukturu obyektlərinə endirdiyi zərbələr nəticəsində metronun hərəkəti dayandırılıb.
İqtisadiyyat.az xəbər verir ki, bu barədə şəhərin meri Vitali Kliçko Telegram-da məlumat yayıb.
Məlumatda metro stansiyaların sığınacaq kimi istifadə olunduğu bildirilib:
“Bütün filiallarda metronun hərəkəti müvəqqəti olaraq dayandırılıb. Yeraltı stansiyalar sığınacaq kimi işləyir”.
Şəhər meri metronun fəaliyyətində hansı dəyişikliklərin olacağına daha sonra qərar veriləcəyini bildirib.