“Fitch Ratings” beynəlxalq reytinq agentliyi Azərbaycanın xarici valyutada uzunmüddətli emitent defolt reytinqini “BB+” səviyyəsində təsdiqləyib.

Bu barədə İqtisadiyyat.az quruma istinadən xəbər verir.

Məlumata görə, bu reytinq Azərbaycanın çox güclü xarici balansı, aşağı dövlət borcu və suveren fondun böyük aktivləri hesabına yüksək maliyyə çevikliyi ilə dəstəklənir.

Bildirilib ki, cari əməliyyatlar hesabının profisiti bu il də ÜDM-in 19%-dək azalacağı proqnozlaşdırılsa da, bu, “BB” kateqoriyasında ən yüksək göstərici olaraq qalır.

Qurum bildirib ki, neftin qiymətlərinin aşağı düşməsinə baxmayaraq, 2024-2025-ci illərdə ölkədə ikirəqəmli profisit gözlənilir. Bu il ölkənin xarici valyuta aktivləri 68 milyard ABŞ dollarına çatacaq. Bunun 82%-i ARDNF-in payına düşəcək.

 

Gözəl Həşimova