Əfqanıstanın şimalındakı Bəlx vilayətində 5 maqnitudalı zəlzələ baş verib.
İqtisadiyyat.az xəbər verir ki, bu barədə ABŞ Geoloji Xidməti (USGS) məlumat yayıb.
Məlumata görə, yerli vaxtla saat 15:50-də baş verən zəlzələnin episentri vilayətin mərkəzi rayonu olan Məzari Şərifdən 19 kilometr cənub-qərbdə olub.
Zəlzələ yerin 10 kilometr dərinliyində baş verib.
Zəlzələ Əfqanıstanın şimal əyalətlərində və qonşu ölkələr Özbəkistan və Türkmənistanda hiss olunub.
Ötən ilin oktyabrında Əfqanıstanın şimal-qərbindəki Herat vilayətində baş verən 5-6,5 bal gücündə zəlzələlər nəticəsində 2500 nəfərin həyatını itirdiyi açıqlanmışdı.
