Çilinin Valparaiso bölgəsindəki Vina del Mar şəhərində meşə yanğınlarında alovlar 400 evə yayılıb. Yanğınlarda 2 nəfər həyatını itirib və bölgədə fövqəladə vəziyyət elan edilib.
Güclü külək isə yanğını yaşayış məntəqələrinə qədər çatdırıb.
Çili prezidenti Qabriel Borik yanğınla əlaqədar Valparaiso bölgəsində fövqəladə vəziyyət elan edib:
"Çili hökuməti olaraq bizim prioritetimiz insanların təhlükəsizliyidir. Biz vəziyyəti nəzarət altına almaq üçün bütün lazımi resursları səfərbər etməyə davam edəcəyik".
Qeyd edək ki, hadisə yerinə təxminən 800 yanğınsöndürən və 150 mühafizəçi cəlb olunub.