Avropa İttifaqı (Aİ) və ABŞ birgə bəyanatda Kosovodakı gərginliyi azaltmaq üçün təmkinli olmağa çağırıb.

İqtisadiyyat.az xəbər verir ki, Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrelin ofisi Kosovodakı gərginliklə bağlı ABŞ Dövlət Departamenti ilə birgə açıqlama verib.

Aİ və ABŞ Kosovonun şimalındakı gərgin vəziyyətdən narahatdır və “Biz hər kəsi təxribatlardan, təhdidlərdən və qorxuducu hərəkətlərdən qaçmaq üçün qeyd-şərtsiz gərginliyi azaltmaq üçün təcili tədbirlər görməyə və maksimum təmkin nümayiş etdirməyə çağırırıq”.

Bəyanatda bildirilir ki, ABŞ və Aİ gərginliyin aradan qaldırılması üçün siyasi həll yolu tapmaq üçün Serbiya prezidenti Aleksandr Vuçiç və Kosovo baş naziri Albin Kurti ilə işləyir.

Kosovo rəhbərliyinin dinc etiraz edən Kosovo serblərinin saxlanmayacağına dair verdiyi zəmanətin müsbət qarşılandığı qeyd edilərək, zorakılığa yol verilməyəcəyi də vurğulanıb.

Bəyanatda ABŞ-ın Kosovoda qanunun aliliyi üzərində işləyən AB missiyası EULEX-i dəstəklədiyi, Kosovo və Serbiyanın barışıq, əməkdaşlıq və sabitliyi təmin edəcək bir mühitə qayıtmasının gözlənildiyi bildirilib.