Amerikanın "TechRadar" texnoloji saytı may ayı üçün alına biləcək ən yaxşı smartfonların reytinqini tərtib edib.

Bu barədə İqtisadiyyat.az agentliyə istinadən xəbər verir.

1. iPhone 15

Siyahının başında "iPhone 15"in əsas versiyası gəlir. Bildirilib ki, "iPhone 15" qiymət və performansın əla birləşməsidir.

2. iPhone 15 Pro Max

İkinci yerdə yüksək performanslı prosessoru, qabaqcıl kamerası və davamlı titan korpusu sayəsində "Apple"ın ən çox yönlü smartfonu kimi tanınan "iPhone 15 Pro Max" qərarlaşıb.

3. Google Pixel 8

Üçüncü yeri süni intellekt funksiyalarına malik ən optimal "Android" smartfonlarından biri kimi tanınan "Google Pixel 8" tutub.

4. Samsung Galaxy S24 Plus

Dördüncü yeri "Samsung" tarixinin ən yaxşı smartfonlarından biri kimi tanınan "Samsung Galaxy S24 Plus" tutub. Smartfon əla kamera, displey və inkişaf etmiş interfeysə malikdir.

5. Samsung Galaxy S24 Ultra

Samsung Galaxy S24 Ultra bazarda ən çox yönlü "Android" smartfonu kimi beşinci yerdədir.

6. OnePlus 12R

"OnePlus 12R" siyahıda altıncı yeri tutub.

7. OnePlus Open

Yeddinci yeri kamerası və dizaynı ilə təriflənən qatlana bilən "OnePlus Open" qazanıb.

8. Motorola Razr Plus

"Motorola Razr Plus" siyahıda səkkizinci yerdədir.

9. Google Pixel 7

Ondan sonra ən yaxşı büdcəli "Android" smartfonu kimi "Google Pixel 7" gəlir.

10. Google Pixel 8 Pro

Onuncu yeri daxili neyron şəbəkəsinə malik "Google Pixel 8 Pro" tutub.

Gözəl Həşimova