ABŞ Aeronavtika və Kosmik Tədqiqatlar Agentliyi (NASA) gələn il Ay səthinə enmək üçün kosmosa göndərilməsi planlaşdırılan “VIPER” kəşfiyyat aparatının artan xərcləri səbəbindən proqramını ləğv edib.

İqtisadiyyat.az "Space.com"a istinadən xəbər verir ki, ləğv qərarı “VIPER”in buraxılış və kosmik şəraitə tab gətirə bilməsini təmin etmək üçün ekoloji sınaqlar zamanı verilib.

“VIPER” proqramının məqsədi avtomobili Ayın Cənub Qütbünə yaxın yerə endirmək və 100 gün ərzində Aydakı buz yataqlarını araşdırmaqdır.

VIPER proqramı çərçivəsində indiyə qədər buraxılış xərcləri nəzərə alınmadan 450 milyon dollar xərclənib. Bu ləğv qərarından sonra NASA-nın inkişaf xərclərinə əlavə 84 milyon dollar qənaət edəcəyi gözlənilir.

Missiyanın ləğvi ilə “VIPER”in sökülərək yenidən istifadə ediləcəyi və ya satılacağı gözlənilir.

Qeyd edək ki, NASA-nın 2024-cü il büdcəsi 24 milyard 875 milyon dollara çatıb. Lakin bu, keçən illə müqayisədə 2%, tələb olunan vəsaitdən isə 8,5% azdır.

 

Sadiq Cavadov