2024-cü ilin 6 ayında Naxçıvanın Sahibkarlığın İnkişafı Fonduna daxil olan müraciətlərdən 19 layihəyə müsbət baxılıb.

İqtisadiyyat.az xəbər verir ki, bunu Naxçıvan Muxtar Respublikanın iqtisadiyyat nazirinin müavini, nazir vəzifələrini müvəqqəti icra edən Abbas İsmayılov deyib.
Onun sözlərinə görə, hesabat dövründə layihələrin maliyyələşdirilməsinə 2,4 milyon manata yaxın vəsait sərf olunub, verilmiş kreditin 84,2 faizi sənayenin, 15,8 faizi müxtəlif kənd təsərrüfatı sahələrinin inkişafını dəstəkləyən layihələrin payına düşüb.

Nazir müavini bildirib ki, kredit borclarının geri qaytarılmasının sürətləndirilməsi istiqamətində zəruri tədbirlər həyata keçirilib, 1 yanvar 2024-cü il tarixə Sahibkarlığın İnkişafı Fonduna öhdəlik olaraq vaxtında qaytarılmalı, lakin qaytarılması təmin edilməyən vaxtı keçmiş kreditlərin məbləği 16 milyon manata yaxın olmuşdursa, 2024-cü il 1 iyul tarixinə 10,1 milyon manat və ya 63,5 faiz azalaraq 5,8 milyon manata endirilib:

A.İsmayılov qeyd edib ki, cari ilin 6 ayında vaxtı keçmiş kredit vəsaitinin ödənilməsi 2023-cü ilin eyni dövrü ilə müqayisədə 25,4 dəfə çox olub.