Naxçıvan iqtisadiyyatının inkişafı, özəl sektorda müşahidə olunan müsbət dinamika, "kölgə iqtisadiyyatı"nın miqyasının azaldılması, vergi inzibatçılığında informasiya texnologiyalarının tətbiqinin təkmilləşdirilməsi, əsas hədəflərdəndir.
İqtisadiyyat.az xəbər verir ki, bunu Naxçıvan Muxtar Respublikanın iqtisadiyyat nazirinin müavini, nazir vəzifələrini müvəqqəti icra edən Abbas İsmayılov deyib.
"Ötən dövr ərzində "Kölgə iqtisadiyyatı"nın miqyasının azaldılmasına yönəldilmiş islahatlar sırasında əmək münasibətlərinin şəffaflaşdırılması prosesini xüsusi qeyd etmək lazımdır. Bu istiqamətində əməli tədbirlər görülmüş və əməkhaqqının nağdsız qaydada ödənilməsi genişləndirilib. Belə ki, 1 iyul 2024-cü il tarixə qeyri-dövlət bölməsində aktiv əmək müqavilələrinin sayı 1 yanvar 2023-cü illə müqayisədə 3,8 dəfə, ilin əvvəli ilə müqayisədə həmin göstərici 1,8 dəfə artmışdır. Bütün bunlar iş yerlərinin leqallaşması hesabına baş vermişdir", - o əlavə edib.
