Rusiya paytaxtında daha 11 nəfər koronavirus infeksiyasına yoluxma nəticəsində həyatını itirib.
"Report" “TASS”-a istinadən xəbər verir ki, bu barədə Moskvada yaradılmış Operativ Qərargah məlumat yayıb.
Qeyd edək ki, Moskvada ümumilikdə 4622 nəfər koronavirusdan dünyasını dəyişib. Bu günə olan məlumata görə, Moskvada 249 min 600-dən çox insanda koronavirus infeksiyası aşkar edilib, ümumilikdə 192 min 700 nəfər sağalıb.
