İsrail ordusuna qatılan fransız əsilli İsrail əsgərləri ilə bağlı araşdırma aparılmayacaq.
İqtisadiyyat.az xəbər verir ki, bunu Fransa Xarici İşlər Nazirliyinin sözçüsü Christophe Lemoine açıqlayıb.
Bölgədə İsrail ordusuna qatılan Fransa-İsrail ikili vətəndaşlarının hərəkətləri ilə bağlı araşdırma olub-olmayacağı ilə bağlı suala Lemoine belə cavab verib: "İkili vətəndaşlığın ikiqat sədaqət olduğunu bilirsiniz, ona görə də Fransa-İsrail vətəndaşlarının İsraildəki hərbi öhdəlikləri ilə bağlı nə etdiyini araşdırmayacağıq".
Fransız əsilli İsrail əsgərlərinin Qəzzalılara qarşı cinayət törətdikləri təqdirdə Fransada mühakimə olunub-olunmayacağı sualına gəlincə, Lemoine bu sözləri deyib:
"Bu, bir az perspektivli sualdır, çünki sualınızı düzgün başa düşdümsə, onlar hələ bu cinayətləri törətməyiblər, ona görə də bu cinayətləri törədərlərsə və bu sübut olunarsa, vaxtı gələndə sizə cavab verəcəm".
