Hərrac rəsmiləri dünyanın ən köhnə cins şalvarı olduğu düşünülən kişi iş şalvarının 114 min dollara satıldığını açıqlayıb.
İqtisadiyyat.az xəbər verir ki, hərrac onlayn rejimdə dekabrın 3-də ABŞ-ın Nevada ştatında keçirilib.
Cins şalvar 1857-ci ildə Şimali Karolina sahillərində batan gəmidə tapılıb.
Beş düyməli şalvarın mədənçiyə aid olduğu güman edilir.
Qeyd edək ki, əşyaların tapıldığı gəmi 1857-ci ilin sentyabrında qasırğa zamanı batmış, qəza zamanı 578 sərnişin və ekipajdan 425-i həlak olduğu açıqlanmışdı.