Bolqarıstan kompensasiya müqabilində Ukraynaya əlavə silah verə bilər.
İqtisadiyyat.az xəbər verir ki, bu barədə Bolqarıstanın müdafiə naziri Todor Taqarev BTV telekanalına müsahibəsində bildirib.
"Biz Ukraynanın ehtiyac duyduğu bir neçə yardım paketini təqdim etmişik, ancaq indi bu yardımları köçürmək üçün hərbi texnikamız yoxdur, lakin biz onu müttəfiqlərdə işləyən müxtəlif fondlar tərəfindən ödənilə biləcək kompensasiya əsasında lazımi avadanlıqla təmin edə bilərik. Biz bu əlavə vəsaiti ordumuzu yenidən silahlandırmaq üçün istifadə edə bilərik. Söhbət yüz milyonlarla dollardan gedir, bunlar ordumuzun ehtiyacları üçün istifadə oluna biləcək ciddi büdcədənkənar vəsaitlərdir", - o qeyd edib.
"Avropa və Ukraynanın təhlükəsizliyi bir-biri ilə sıx bağlıdır, ona görə də Ukraynaya yardım bizim təhlükəsizliyimizə sərmayədir", - deyən Taqarev NATO-nun müdafiə nazirlərinin hazırkı vəziyyəti məhz bu kontekstdə müzakirə etdiyini vurğulayıb.
Nazir bildirib ki, Bolqarıstan ərazisində hava hücumundan müdafiə və sahil mühafizə sistemlərinin yerləşdirilməsi məsələsi üzərində müttəfiqlər, xüsusilə də ABŞ ilə işləyir. O, ABŞ ilə əlaqələrin Bolqarıstan üçün strateji əhəmiyyət daşıdığını vurğulayıb.
