Dövlət və qeyri-dövlət ali təhsil müəssisələrində professor-müəllim heyətinin sayı açıqlanıb.
İqtisadiyyat.az xəbər verir ki, bu barədə Dövlət Statistika Komitəsinin "Azərbaycanda təhsil, elm və mədəniyyət" adlı statistik məcmuəsində məlumat yer alıb.
Belə ki, 2023-2024-cü illəri əhatə edən tədris ilinin əvvəlinə olan məlumata görə, Azərbaycan universitetlərində 15 min 807 professor-müəllim heyəti fəaliyyət göstərib.
Onlardan 1262 nəfər elmlər, 5 min 891 nəfər isə fəlsəfə doktoru elmi dərəcəsi olanlardır. Bundan başqa, 1043 nəfərin professor, 3 min 889 nəfərin isə dosent elmi adı var.
Həmin heyətin tərkibindəki qadın müəlllimlərin sayı 9 min 272 nəfərdir.