Brüsseldə Aİ-Gürcüstan Assosiasiya Şurasının 8-ci iclası keçirilib.
İqtisadiyyat.az-ın məlumatına görə, Gürcüstana namizəd ölkə statusu verildikdən sonra keçirilən ilk iclasdan sonra qiymətləndirmələr edən AB Komissiyasının Qonşuluq və Genişlənmədən Məsul Üzvü Oliver Varhelyi qeyd edib ki, Gürcüstanı əsl Avropa ölkəsi edəcəklər.
Varhelyi bildirib ki, o, Gürcüstanın baş naziri İrakli Kobaxidze ilə Aİ istiqamətində irəliləyiş və atılacaq addımlar üzərində işi sürətləndirmək qərarına gəlib.
Bu kontekstdə ən mühüm və konkret layihənin Qara dəniz elektrik və genişzolaqlı internet kabeli layihəsi olduğunu vurğulayan Varhelyi bildirib: "Bu, əlamətdar bir layihədir".
"Gürcüstanın yeni ticarət yolunun mərkəzi olmaq potensialına malik olduğu nəqliyyat əlaqəsini müzakirə etdik. Amma bunun üçün Qara dənizin Avropaya növbəti dəhliz olması lazımdır. Gürcüstan limanlarını yeniləməliyik", - Varhelyi əlavə edib.
Qeyd edək ki, Aİ Ukrayna və Moldova ilə birlikdə 2022-ci ildə üzvlük üçün müraciət etmiş Gürcüstana 2023-cü il dekabrın 14-də namizəd ölkə statusu verib.
