"Apple" bəzi köhnə "iPhone" və "iPad" modellərini daxil etmək üçün köhnə cihazlarının rəsmi siyahısını yeniləyib.
Bu barədə İqtisadiyyat.az "MacRumors"a istinadən xəbər verir.
Məlumata görə, "Apple" "iPhone 6 Plus"u köhnə cihaz kimi qeyd edib. Bu o deməkdir ki, "Apple" mağazaları və "Apple" Səlahiyyətli Xidmət Provayderləri artıq cihazınız üçün təmir və ya digər xidmət təklif etmir.
"Apple", məhsulu istehsal dayandırıldıqdan yeddi il sonra köhnəlmiş hesab edir.
Qeyd edək ki, "iPhone 6" və "iPhone 6 Plus" 2014-cü ilin sentyabrında buraxılıb. Onlar əvvəlki modellərdən daha böyük ekranlara, həmçinin "Apple Pay" dəstəyinə malik idilər.
"iPhone 6 Plus"un satışı 2016-cı ilin sentyabrında dayandırılıb.
Gözəl Həşimova
